Qyteti i New York-ut ka kaluar 5 ditë (mes të dielës së javës së kaluar dhe të enjtes së kësaj jave) pa viktima nga të shtënat me armë zjarri, për herë të parë në 30 vite.
Sipas mediave të huaja, lajmin e bëri të ditur Policia përmes një njoftimi në rrjetet sociale, 4 minuta pas të cilit, ky bilanc pozitiv u ndërpre.
Nju Jorku kishte mesatarisht më shumë se dy të shtëna në ditë vitin e kaluar, por midis të dielës dhe të enjtes policia nuk regjistroi asnjë incident.
“Kjo është koha më i gjatë që kemi kaluar pa një viktimë të qëlluar që nga fillimi i epokës CompStat,” tha Departamenti i Policisë së New York-ut në ‘X’, duke iu referuar sistemit kompjuterik të policisë të krijuar në 1994.
Forca tha se kjo ishte për shkak të “punës së guximshme që anëtarët e NYPD bëjnë çdo ditë”.
Por vetëm katër minuta pas publikimit të postimit, ky bilanc pozitiv u ndërpre kur një 34-vjeçar u qëllua disa herë në Brooklyn, raportoi New York Post. Sipas policisë, viktima është dërguar në spital në gjendje të qëndrueshme.
Policia në qytetin e New York-ut është përqendruar gjithnjë e më shumë tek kriminelët që përdorin armë të paligjshme, gjë që sipas autoriteteve ka çuar në “rënie të ndjeshme” të numrit të incidenteve të të shtënave.
“Nëpërmjet policisë precize, veçanërisht në lidhje me dhunën me armë, jetët po shpëtohen çdo ditë në New York,” tha komisionerja e policisë Jessica S Tisch në fillim të këtij muaji.
