Dy raste të trafikut të lëndëve narkotike janë goditur nga policia gjatë 24 orëve të fundit në kryeqytet.
Policia bën me dije se në rrugën “Fran Bardhi”, një i ri moshës 21-vjeçare, ranë pranga, pasi gjatë një kontrolli fizik iu gjetën 37 gramë Kokainë, si dhe 10 200 euro dhe 180 000 lekë, të dyshuara të përfituara nga shitja e Kokainës.
U raportua se i arrestuar nga policia është i riu Samuel Malo.
“Shërbimet e Forcës së Posaçme “Shqiponja”, në bashkëpunim se specialistët e Seksionit për Hetimin e Narkotikëve të DVP Tiranë, arrestuan në flagrancë, në rrugën “Fran Bardhi”, shtetasin S. M., 21 vjeç, sepse nga kontrolli fizik iu gjetën 37 gramë Kokainë, si dhe 10 200 euro dhe 180 000 lekë, të dyshuara të përfituara nga shitja e Kokainës. Vijojnë hetimet e thelluara për të dokumentuar ligjërisht burimin e këtyre parave”, njofton policia.
Po ashtu u arrestuar nga ‘blutë’ e kryesqytetit një tjetër 21-vjeçar dhe u proceduan penalisht dy të pjetrë, pasi gjatë një kontrolli të ushtruar nga efektivët në automjetin e parkuar, ku po qëndronin 3 shtetasit, u gjet një sasi Cannabisi që posedohej me qëllim shitjen.
Gjithashtu policia ushtroi një kontroll në banesën e Klajdi Hysës, u gjetën 4 mjete prerëse (thika) dhe 1 përforcues grushti, ndërsa në banesën e 38-vjeçarit u gjet 1 shkop bejsbolli.
“Shërbimet e Komisariatit të Policisë Nr. 5, në bashkëpunim se specialistët e Seksionit për Hetimin e Narkotikëve të DVP Tiranë, arrestuan në flagrancë shtetasin K. H., 21 vjeç, si dhe referuan materialet në Prokurori, ku nisi procedimi në gjendje të lirë për shtetasit F. K., 24 vjeç, dhe F. H., 38 vjeç, sepse nga kontrolli në automjetin e parkuar, ku po qëndronin 3 shtetasit, u gjet një sasi Cannabisi që posedohej me qëllim shitjen. Më tej, nga kontrollet, në banesën e të arrestuarit u gjetën 4 mjete prerëse (thika) dhe 1 përforcues grushti, ndërsa në banesën e 38-vjeçarit u gjet 1 shkop bejsbolli”, thuhet në njoftimin e policisë.
Materialet procedurale i kaluan Prokurorisë së Tiranës, për veprime të mëtejshme.
