Një 46-vjeçare me profesion edukatore është shpallur në kërkim nga policia, ka keqtrajtuar një fëmijë në kopshtin privat ku punonte.
Policia bën me dije se ka qenë babai i djalit të mitur që ka bërë denoncimin për edukatoren. ‘Blutë’ e kryeqytetit, theksojnë se po punojmë për kapjen e edukatores.
Ndërsa u bë me dije se pronari i kopshtit privat, e ka hequr nga puna pas denoncimit të rastit tek autoritetet.
“Specialistët për Hetimin e Krimeve të Komisariatit të Policisë Nr. 6 referuan materialet në Prokurori dhe po punojnë për kapjen e shtetases R. G., 46 vjeçe, pasi ka kallëzuar një shtetas, se shtetasja R. G. ka keqtrajtuar djalin e tij të mitur, në kopshtin ku ajo punon si edukatore”, thuhet në njoftimin e policisë.
Materialet procedurale i kaluan Prokurorisë së Tiranës, për veprime të mëtejshme.
