Një 58-vjeçar ka përfunduar në prangat e policisë pasi goditi me grushte një doganier.
Policia bën të ditur se për të shmangur kontrollet në automjetin e tij, shtetasi me iniciale A.K., ka goditur me grushte në fytyrë, shtetasin me iniciale A. S., me detyrë doganier.
Në automjetin e autorit u gjetën mallra ushqimore për kafshët, pa faturë tatimore.
“Specialistët për Hetimin e Krimeve të Komisariatit të Policisë Kukës arrestuan në flagrancë shtetasin A. K., 58 vjeç, banues në fshatin Pobreg, Kukës.
Në doganën e Morinës, në hyrje, ky shtetas, dyshohet se për të shmangur kontrollet në automjetin e tij, ka goditur me grushte në fytyrë, shtetasin A. S., me detyrë doganier. Në automjetin e shtetasit A. K. u gjetën mallra ushqimore për kafshët, pa faturë tatimore.”– njofton policia.
Materialet procedurale i kaluan Prokurorisë pranë Gjykatës të Shkallës së Parë të Juridiksionit të Përgjithshëm Kukës, për veprime të mëtejshme.
