Një 45-vjeçar dhe babai i tij kane rënë në prangat e policisë së Tiranës, pasi akuzohen për veprën penale “Plagosja e rëndë me dashje”.
Policia bën me dije, se 45-vjeçari dhe babai i tij më 9 janar të këtij viti, janë konfliktuar për motive të dobëta me një tjetër person, i cili më pas ka plagosur me thikë 70-vjeçar.
“Shërbimet e Komisariatit të Policisë Nr. 2 kapën dhe ndaluan shtetasit e shpallur në kërkim, për veprën penale “Plagosja e rëndë me dashje”, A. D., 45 vjeç dhe B. D., 70 vjeç, babë e bir. Prokuroria e Tiranës ka urdhëruar ndalimin e tyre, pasi më 09.01.2025, në rrugën “Ndre Mjeda”, dyshohet se për motive të dobëta, janë konfliktuar me shtetasin D. M., 45 vjeç. Ky i fundit u arrestua menjëherë pas rastit, pasi dyshohet se gjatë këtij konflikti, dëmtoi me mjet prerës, 70-vjeçarin”, thuhet në njoftimin e policisë.
Arrestimi i tyre, erdhi ne kuadër të operacionit policor të koduar “Catch 5”.
