Një zjarr ka rënë mesditën e kësaj të hëne në një kompleks baninimi në zonën e njohur si Komuna e Parisit, në Tiranë. Paraprakisht dyshohet se shkak për zjarrin është bërë një shkëndijë në paketën elektrike të një zyre që ndodhej në kompleks.
Nuk raportohet për të lënduar.
“Më datë 20.01.2025, rreth orës 11:05, në rrugën ‘Tish Daija, ka rënë zjarr në katin e katërt të një ndërtese.”– njofton policia.
Shërbimet zjarrfikëse ndodhen në vendngjarje dhe po punojnë për fikjen e zjarrit.
Shërbimet e Policisë po bëjnë të mundur evakuimin e banorëve.
Grupi Hetimor po punon për përcaktimin e shkakut të rënies së zjarrit.
