Lauren Sanchez është përballur me kritika për zgjedhjen e saj të pazakontë të veshjes në inaugurimin e Donald Trump. Gazetarja, 55 vjeçe, fillimisht dukej komode dhe elegante kur mbërriti për të parë Trumpin që betohej si presidenti i 47-të i SHBA-së në Uashington, D.C.
Por më pas, e fejuara e themeluesit të Amazon, Jeff Bezos tronditi publikun pasi hoqi pallton duke treguar kostumin e bardhë me pantallona dhe me sytjena të bardha me dantelle nën xhaketën e saj të hapur.
Zgjedhja e guximshme e kësaj veshjeje i bëri mediat sociale të “marrin flakë” pasi shumë njerëz nisën të komentojnë. “Lauren Sanchez paska ka veshur sytjena”, ka shkruar një përdorues i shokuar.
“Pikërisht kur isha duke u shijuar luksin, bukurinë dhe klasin e betimit më doli para Lauren Sanchez e veshur vetëm me sytjena” – shkruan një tjetër.
“Lauren Sanchez komplet me veshje të papërshtatshme sot”, – bie dakord një tjetër. “Vërtet, sytjena duket qartë. Sot NUK është një aktivitet për një klub nate. Trego pak klas dhe dinjitet” – shkruan një tjetër.
Sanchez mbërriti bashkë me Bezos, 61 vjeç, në Kapitol Rotunda. Duket se ajo veshi të njëjtin kostum që pati gjatë një bisede me nënpresidenten ekzekutive të Forbes, Moira Forbes në Samitin e Grave të Forbes 2024 në shtator.
Natën e kaluar, Sanchez qëndroi me Ivanka Trump, vajzën e presidentit të zgjedhur, në një darkë me qirinj në Muzeun Kombëtar të Ndërtimit në Uashington D.C.
Në të njëjtin event, Ivanka Trump, 43 vjeç, u pa duke shkëlqyer me një fustan me rruaza kristali dhe perla, të bërë nga marka amerikane Oscar de la Renta. I njëjti stilist e veshi edhe Zonjën e Dytë, Usha Vance, 39 vjeçe.
