Janë mbyllur sot takimet e raundit të katërt të grand slam-it të Australian Open në tenis, duke përcaktuar edhe çerekfinalistët e fundit.
Te meshkujt, numri 1 në botë, italiani Jannik Sinner, fitoi 3-1 ndaj danezit Holger Rune (6-3, 3-6, 6-3, 6-2). Në çerekfinale shkon edhe italiani tjetër Lorenzo Sonego, që mundi 3-1 Learner Tien.
Një biletë për më tej siguron edhe amerikani Ben Shelton, që përfitoi nga tërheqja në setin e katërt e francezit Gael Monfils (7-6, 6-7, 7-6, 1-0). Çerekfinalisti i fundit është Alex de Minaur i Australisë.
Te femrat, numri 2 në botë, polakja Iga Swiatek, mundi 2-0 (6-0, 6-1) Eva Lys, duke avancuar më tej. Të njëjtën gjë bën edhe Elina Svitolina e Ukrainës, që mundi po 2-0 Veronika Kudermetova.
Dy tenistët e fundit që fituan sot janë amerikanet Emma Navarro e Madison Keys, që mundën respektivisht me të njëjtin rezultat 2-1 Daria Kadatkina dhe Elena Rybakina.
Çerekfinale-Femra
C.Gauff – P.Badosa
A.Sabalenka – APavlyuchenkova
E.Navarro – I.Swiatek
M.Keys – E.Svitolina
Çerekfinale-Meshkuj
T.Paul – A.Zverev
C.Alcaraz – N.Djokovic
B.Shelton – L.Sonego
J.Sinner – A.de Minaur
