Të hënën (20 janar) presidenti i zgjedhur i Shteteve të Bashkuara të Amerikës, Donald Trump, do të betohet në Capitol Hill.
Betimi do të bëhet në ambientet e brendshme të Capitol-it, me kërkesë në Donald Trump, për shkak se temperaturat parashikohen të zbresin deri në -6 gradë celsius.
Siç shihet dhe nga pamjet e Light Studio Agency (LSA) përgatitjet për ceremoninë vijojnë në Capitol.
Gjatë përgatitjeve, si alternativë për çdo inaugurim gjithmonë merren masat që presidenti i zgjedhur ta bëjë betimin në ambientet e brendshme në rast të motit të keq.
Hera e fundit kur një president e ka bërë betimin në ambientet e brendshme ka qenë viti 1985, kur Presidenti Ronald Reagan filloi mandatin e tij të dytë.
Ndërkohë po shyrtohen plane alternative për më shumë se 250 mijë të ftuarit me bileta për të parë inaugurimin dhe dhjetëra mijëra të tjerë që pritet të jenë në rrugë për të ndjekur ceremoninë apo për të parë paradën.
