Në një kohë kur kryeministri Edi Rama “mburret” çdo ditë me rritjen e numrit të turistëve, Shqipëria e qeverisur nga socialistët nuk plotësojnë as bazën elementare për të pritur pushuesit në vendin tonë.
Së fundmi zona e Korçës ka shfaqur problematika serioze pasi prej ditësh qytetarët dhe bizneset në këtë zonë po përballen me mungesën e ndërprerjes së energjisë elektrike.
Prej tre ditësh, dy grupe pune të OSHEE-së po punojnë për të mbajtur në kontroll situatën e furnizimit me energji elektrike në fshatin turistik të Dardhës.
Situata paraqitet shumë e rëndë, pasi linja e tensionit të mesëm që furnizon këtë zonë është e mbuluar me borë të ngrirë. Pemët përgjatë kësaj linje janë gjithashtu të ngrira nga ngarkesa e dëborës, çka ka shkaktuar probleme serioze në rrjetin elektrik.
Ngarkesa e dëborës ka bërë që disa pemë të rrëzohen mbi linjat elektrike, duke shkaktuar ndërprerje të energjisë elektrike në fshatin turistik.
Burime pranë OSHEE-së raportojnë se 136 familje në fshatin Dardhë dhe fshatrat përreth pritet të rifitojnë furnizimin me energji elektrike mbrëmjen e sotme.
