Një rast kundër trafikut të lëndëve narkotike është goditur nga Policia e Tiranës dhe si rezultat është arrestuar një i ri.
Autoritetet raportojnë se në pranga është vënë shtetasi K.K 24 vjeç, banues në Tiranë, i cili akuzohet për veprën penale “Prodhimi dhe shitja e narkotikëve”
Ai është ndaluar nga uniformat blu në vendin e quajtur mbikalimi i Shkozës, teksa po qarkullonte me një automjet tip “Ford”.
Gjatë kontrollit të bagazhit të automjeti, Policia i ka gjetur një sasi prej 10 kilogramë lëndë narkotike kanabis sativa, të cilën i riu po e transportonte me qëllim shitjen e saj.
Materialet proceduriale i kaluan Prokurorisë së Tiranës për veprime të mëtejshme.
