Ish-banori i Big Brother VIP Kosova, Eduard Kuçi, ka kërkuar publikisht nga Big Brother VIP Albania t’ia dërgojnë ftesën për t’u bërë pjesë e këtij reality show-i.
Kjo kërkesë e tij ka ardhur pasi në shtëpinë e BBVA hyri Gjesti, një tjetër ish-banor i BBVK. Me një deklaratë të guximshme, Edi ka shprehur bindjen se së bashku me Gjestin do të krijojnë një show spektakolar.
Sot, për të shtuar kuriozitetin, Eduardi ka publikuar një fotografi në Instagramin e tij, ku shkruhej: “Edi rrugës për BBVA”, shoqëruar me tri pika të mistershme.
Ky veprim i tij ka ngjallur spekulime të shumta mes ndjekësve, duke ngritur pyetjen nëse Edi po përgatitet të hyjë në shtëpinë më të famshme në Shqipëri.
