Tjetër afrim te Tirana në këtë merkato dimërore. Pas Emanuel Ernest dhe Erisildo Smaçit, klubi bardheblu ka zyrtarizuar marrëveshjen me mesfushorin Rafael De Freitas Silva.
24-vjeçari do të dalë sot në seancën stërvitore për t’u prezantuar me skuadrën dhe stafin teknik. Braziliani vjen nga kampionati portugez, ku ishte pjesë e skuadrës Leixoes në kategorinë e dytë.
Këtë sezon 24-vjeçari numëron vetëm 113 minuta lojë çka solli edhe largimin e tij.
Njoftimi:
“Klubi i Futbollit Tirana njofton afrimin e lojtarit Rafael De Freitas Silva. 24 vjeçari ka firmosur sot me klubin dhe do të jetë pjesë e kampit bardh e blu.
Mesfushori do të dalë sot në seancën stërvitore për t’u prezantuar me skuadrën dhe stafin teknik. I urojmë suksese me fanellën.”
