Ish-prokurori i Krimeve të Rënda, Eugen Beci, ka komentuar vendimin e Prokurorisë së Posaçme për të pezulluar hetimet lidhur me çështjen Xibraka, me argumentin se autorët e tjerë të veprave penale nuk janë identifikuar.
Beci, shpjegoi anën procedurale të këtij vendimi të SPAK, duke thënë se “është një vendim pezullimi, që do të thotë një vendim jo përfundimtar, që nënkupton faktin që prokuroria ka një fakt penal, por ka mungesën e autorëve për këtë fakt, që do të thotë e pezullon dhe ia kalon materialet policisë, për të arritur te prova identifikuese e autorëve të saktë të veprës penale”.
Më tej ai shtoi se ky vendim është i cenueshëm në momentin që Policia i jep informacione Prokurorisë.
“Vendimi i pezullimit nuk është përfundimtar. Hetimet vijojë, por jo në rrugë procedurale, por operative”, shpjegoi ai.
Beci: Nga pikëpamja procedurale, është një vendim pezullimi, që do të thotë një vendim jo përfundimtar, që nënkupton faktin që prokuroria ka një fakt penal, por ka mungesën e autorëve për këtë fakt, që do të thotë e pezullon dhe ia kalon materialet policisë, për të arritur te prova identifikuese e autorëve të saktë të veprës penale.
Vendimi i pezullimit nuk ka një vendim për pushimin e çështjes, por veprim i ndërmjetëm pezullimi që është i cenueshëm kur policia i ofron prokurorisë informacione konkrete për ta rikthyer çështjen. Kjo dosje ka qenë e pezulluar. I paraqit një informacion i ri, u verifikua dhe prokuroria arriti në konkluzionin që me gjithë këto hetime të reja ende nuk ka arritur të zbulojë personat e faktit penal.
Vendimi i pezullimit nuk është përfundimtar. Hetimet vijojë, por jo në rrugë procedurale, por operative.
Dosjen Xibraka e njoh shumë mirë. Fakti që SPAK është investuar me disa indicie që ka paraqitur një politikan shqiptar, Prokuroria e Posaçme duhet të përgjigjet për të argumentuar se çfarë gjeti në këto informacione për të rifilluar çështjen. E tërë saga fillon se pse Prokuroria e Posaçme rinisi çështjen. Në rast se ke indicie të re, të patrajtuar më parë, përbën shkak për të rinis cështjen. Të shpegojë pse e rihapi.
