Një sherr mes disa adoleshentëve është regjistruar mbrëmjen e kësaj të shtune në Fier.
Nga informacionet paraprake mësohet se si pasojë e sherrit ka mbetur i plagosur me thikë një 16-vjeçari, i cili është dërguar me urgjencë në spitalin e Fierit.
Policia dhe ekspertët ndodhen në vendngjarje për të zbardhur rrethanat dhe motivet e incidentit.
“Rreth orës 20:00, në lagjen “8 Shkurti”, Fier, dyshohet se gjatë një konflikti të çastit është dëmtuar në këmbë me mjet prerës një shtetas 16 vjeç, i cili ndodhet në spital në kujdesin e mjekëve.
Eshtë ngritur grupi hetimor i cili po punon për zbardhjen e rrethanave të ngjarjes, identifikimin dhe kapjen e autorit/ve”, njofton policia.
