Ish-presidenti i SHBA-së Barack Obama dhe presidenti i zgjedhur amerikan Donald Trump kanë marrë pjesë në ceremoninë e funeralit të ish-presidentit Jimmy Carter. Dyshja të cilët ishin ulur ngjitur me njëri-tjetrin kanë zhvilluar edhe një bisedë miqësore me njëri-tjetrin, ku siç shihet në pamjet e mëposhtme, Trump i pëshpëriti diçka në vesh Obamës, ndërsa ky i fundit qesh.
Ish-presidenti Obama ka qenë një mbështetës i rivales së Trump në zgjedhjet presidenciale, ndërsa në daljet e tij në fushatën zgjedhore të demokratëve nuk ka kursyer edhe kritikat për presidentin e zgjedhur të SHBA-ve.
Obama chuckles as Trump whispers in his ear.
WOW. pic.twitter.com/863yRnqta1
— johnny maga (@_johnnymaga) January 9, 2025
Ndërkohë ish-presidenti amerikan Jimmy Carter do të nderohet ditën e sotme me një funeral në Katedralen Kombëtare të Uashingtonit, përpara se të varroset në shtetin e tij të Xhorxhias. Në ceremoninë funebre të Uashingtonit do të marrin pjesë Presidenti Joe Biden, Presidenti i zgjedhur Donald Trump, si edhe ish-presidentët Bill Clinton, George W. Bush dhe Barack Obama. Presidenti Biden do të mbajë fjalimin për nder të tij. Trupi i ish-Presidentit Carter do të dërgohet në Katedrale nga Kapitoli, ku publiku amerikan ka bërë nderimet e fundit për të që nga e marta.
