Bayern Munich është futur seriozisht në garë për të transferuar Alexander-Arnold, kontrata e të cilit me Liverpool mbaron në fund të këtij sezoni.
Ky është një lajm i keq për Realin, pasi po e ndjek prej kohësh situatën mes lojtarit dhe klubit të Liverpool duke shpresuar që palët mos të gjejnë gjuhën e përbashkët në fund të sezonit dhe mos vazhdojnë më tej bashkëpunimin.
Klubi madrilen e sheh 26-vjeçarin anglez si pasuesin ideal të Dani Carvajal në krahun e djathtë, ku kanë hasur jo pak vështirësi këtë sezon.
Nga ana tjetër, Vincent Kompany po punon për një projekt ambicioz te Bayern dhe e sheh Alexander-Arnold si një nënshkrim strategjik për të ngritur nivelin konkurrues në klub.
Bavarezët do të ishin të gatshëm të ofrojnë jo vetëm një kontratë tërheqëse, por edhe një rol të rëndësishëm në skemën e tyre taktike, diçka që mund ta bindë anësorin e djthatë që të zgjedhë pikërisht ata.
Rivaliteti mes Bayern dhe Real pritet të shtohet akoma dhe më shumë muajt në vijim, duke shpresuar që Alexander-Arnold mos të rinovojë sërish me Liverpool.
