Lidhur me deklaratën e presidentit të sapozgjedhur amerikan Donald Trump për riemërimin e Gjirit të Meksikës në “Gjiri i Amerikës”, presidentja e Meksikës Claudia Sheinbaum theksoi sot se “Gjiri i Meksikës” është një emër i njohur ndërkombëtarisht dhe se Trump “ jeton në të kaluarën”.
“Unë mendoj se ata i thanë Presidentit Trump gjënë e gabuar, ata i thanë atij se Felipe Calderon është ende president. Por jo, në Meksikë njerëzit janë në krye”, tha Sheinbaum në një konferencë për shtyp, sipas Reuters.
Calderon drejtoi Meksikën nga 2006 deri në 2012.
Ajo tregoi një hartë të ish Meksikës, e cila përfshin territoret që tani janë pjesë e Shteteve të Bashkuara të Amerikës.
“Amerika meksikane, kjo tingëllon bukur”, tha Sheinbaum.
Të martën, Trump njoftoi se do të ndryshojë emrin e Gjirit të Meksikës në Gjirin e Amerikës.
