Në ceremoninë e Globbe Soccer Awards, të mbajtur më 28 dhjetor të vitit të kaluar, Cristiano Ronaldo tha se Liga Saudite është më e mirë se Liga Franceze:
“Në Francë është vetëm PSG, pjesa tjetër nuk llogaritet. Nuk më intereson çfarë thonë njerëzit e tjerë”. Këto deklarata bënë që njerëzit të flasin, por ka nga ata që janë dakord me kapitenin e kombëtares portugeze. I tillë është edhe braziliani Neymar.
“Aktualisht, edhe unë mendoj kështu (Liga Saudite është më e mirë se Liga Franceze). Niveli i Ligës Saudite po rritet. Nga ajo që shoh sot, është më mirë se Ligue 1. Por Ligue 1 ka vlerat e saj, unë kam luajtur në kampionatin e fortë francez, e di këtë. Por lojtarët që luajnë në Ligën Saudite janë më të mirë”, tha Neymar në një intervistë për CNN, i pyetur nga gazetarja nëse ishte dakord me fjalët e Cristiano Ronaldos.
Kujtojmë që Neymar ka përfaqësuar PSG-në mes viteve 2017 dhe 2023. Aktualisht ai mban fanelën e skuadrës së Al Hilalit, që drejtohet nga Jorge Jesus në Arabinë Saudite.
