Barcelona mund të marrë frymë thellë. Qeveria spanjolle ka vendosur ta ndihmojë klubin katalanas që të shmangë një tjetër goditje të rëndë financiare, duke lejuar regjistrimin e përkohshëm të Dani Olmos dhe Pau VIktor.
Klubi nuk kishte plotësuar kërkesat e La Liga për tavanin e rrogave duke i tejkaluar ato ndaj nuk mund të regjistronte lojtarët siç kishte bërë në pjesën e parë të sezonit me një leje të përkohshme.
Por pasi ka ankimuar vendimin e La Liga në Këshillin e Lartë të Sportit, ky i fundit ka vendosur që të dekretojë regjistrimin e përkohshëm të lojtarëve në pritje të zgjidhjes së çështjes, që mund të zgjatë disa muaj.
Sipas vendimit të këshillit, të gjithë lojtarët kanë të drejtë të regjistrohen pasi mosregjistrimi i tyre “do të sillte një dëm të madh ekonomik dhe sportiv për klubin dhe lojtarët”.
Kësisoj, të dy lojtarët mund të luajnë me Barcelonën në pjesën e mbetur të sezonit, gjithmonë nëse La Liga nuk ankimon këtë vendim të organit shtetëror duke e cilësuar si ndërhyrje në rregulloret e saj apo në drejtësinë sportive dhe parimin e barazisë.
