Policia e Shkodrës ka arrestuar një person që qarkullonte i armatosur me kallashnikov me një krehër dhe municion luftarak dhe një thikë.
Në kuadër të operacionit policor të koduar “Parandalimi” është vënë në pranga shtetasi Agim Curraj, 56 vjeç, banues në fshatin Leporosh.
“Në fshatin “Vrakë”, shërbimet e Patrullës së Përgjithshme kanë ndaluar automjetin me drejtues shtetasin Agim Curraj, dhe gjatë kontrollit i kanë gjetur dhe sekuestruar në cilësinë e provës materiale, një armë zjarri kallashnikov me krëhër me municion luftarak dhe një mjet prerës (thikë). Vijon puna në bashkëpunim me Prokurorinë për zbardhjen e qëllimit që 56 vjecari lëvizte i armatosur.” – thuhet në njoftimin e Policisë
Materialet proceduriale i kaluan Prokurorisë së Shkodrës për veprime të metejshme.
