Ish-Presidenti i Republikës, Ilir Meta, ka dalë nga qelia e tij në burgun e “313” dhe ka mbërritur pak momente më parë në ambientet e SPAK ku do të merret në pyetje.
Meta është thirrur për të dhënë dëshminë e tij si person në hetim në lidhje me dosjen CEZ/DIA, e cila ka të bëjë me hetimet mbi dyshimet për abuzime në sektorin energjetik.
Siç parashikohet nga procedurat ligjore, Meta është shoqëruar në SPAK në prani të avokatit mbrojtës, për t’u pyetur nga prokurorët që po hetojnë rastin.
Dje, në një seancë të ngjashme, ishin thirrur për t’u marrë në pyetje bashkëshortja e tij, Monika Kryemadhi, e cila është aktualisht në proces divorci, nëna e saj, Fatime Kryemadhi, dhe bashkëpunëtorja e ngushtë e çiftit, Ema Çoku.
