Një javë punë, fitore ndaj dy rivalëve më të mëdhenj në ndeshje zyrtare dhe një trofe i fituar. Ky është bilanci i jashtëzakonshëm i Sergio Conceicao si trajneri i ri i Milanit.
Tekniku portugez mori drejtimin e skuadrës vetëm më datë 30 dhjetor, pas shkarkimi të Paaulo Fonskës dhe drejtoi kuqezinjtë në pak seanca stërvitore para ndeshjeve të Superkupës së Italisë.
Në të parën, mundi Juventusin me shifrat 2-1 me përmbysje. Në finale, mposhti po me përmbysje Interin, duke kaluar nga 2-0 për zikaltrit në rezultatin 3-2, për të bërë të tijin trofeun.
Ndaj në vërshëllimën përfundimtare të derbit, për teknikun portugez kishte lot gëzimi, por edhe festë e përqafime të shumta me stafin e tij, që në pak ditë ia doli të tregonte një fytyrë tjetër të këtij Milani që ishte harruar nga tifozët e kuqezinjve.
