Shtatë shtete amerikane kanë shpallur gjendjen e jashtëzakonshme pasi janë goditur nga një stuhi e fortë dimri me dëborë dhe ngrica.
Shërbimi Kombëtar i Motit (NWS) paralajmëroi se disa zona janë në rrezik të shohin “reshjet më të mëdha të borës në të paktën një dekadë”.
Stuhia është përhapur në të gjithë SHBA që nga e shtuna, duke prodhuar borë të madhe dhe akull të konsiderueshëm, duke i bërë kushtet e rrugëve gjithnjë e më të rrezikshme.
Më shumë se 60 milionë njerëz në rreth 30 shtete kanë qenë nën alarmin e motit, ndërsa NWS ka paralajmërime për reshje të mëdha bore nga Kansas dhe Misuri në New Jersey .
Stuhia e dimrit po nxitet nga një vorbull polare, e vendosur zakonisht rreth Polit të Veriut, e cila është zhytur në jug dhe shtrihet midis Maleve Shkëmbore në Maine.
Autoritetet shtuan se të paktën 600 shoferë u bllokuan në Misuri dhe qindra aksidente automobilistike u raportuan në Indiana, Kansas dhe Kentucky .
