Kryedemokrati Sali Berisha akuzoi sot jashtë ambienteve të SPAK Altin Dumanin se po bashkëpunon me PS dhe krimin, për t’i mbyllur gojën opozitës para zgjedhjeve të 11 majit.
Këtë gjë Berisha e shkroi edhe në dokumentin që plotësoi në Gjykatën e Posaçme, në zbatim të masës së sigurisë së miratuar ndaj tij, “detyrim paraqitje”.
“Ky është një akt i turpshëm politik me të cilin prokuroria në kundërshtim me kushtetutën kërkon të më ndalohet fjala e lirë, dhe një gjykatës kukull i Partisë vendosi sipas kërkesës së tyre. Unë kam denoncuar dhe do denoncoj bashkëpunimin e Dumanit e kompani me krimin si një organizatë kriminale”, shkroi Berisha me shkrim dore.
