Të tjera detaje janë bërë të njohura nga ngjarja tragjike në fshatin Dragoç të Postribës në Shkodër, ku mëngjesin e sotëm është gjetur i vrarë me armë zjarri në makinë e tij, 33-vjeçari Ramazan Mataj.
Sipas burimeve nga vendngjarja, viktima është qëlluar me automatik kallashnikov duke mbetur i vdekur në vend.
Një prej fqinjëve ka dëgjuar të shtënat mbrëmë, por për shkak se pranë vendngjarjes ndodhet një lokal dasmash, ka menduar se bëhet fjalë për të shtëna nga dasmorët, duke e mos e ditur se bëhet fjalë për një vrasje.
Ndërkohë, në orët e mëngjesit rastësisht banorët e zonës konstatuan viktimën brenda automjetit, të vrarë me armë zjarri. Pas verifikimeve nga policia, turpi i të ndjerit është transportuar me ambulancë drejt morgut spitalit të Shkodrës.
Burimet bëjnë me dije se Ramzan Mataj ishte kthyer nga Belgjika. Bëhet me dije se 33-vjeçari ka jetuar në Belgjikë për gati një vit. Nërkohë, policia po heton nëse ka pasur konflikte në Belgjikë.
Fotoja e mësipërme tregon shenjat që plumbat kanë lënë në derën e automjetit të viktimës. Sipas informacioneve paraprake, dyshohet se autorët e kanë ruajtur 33-vjeçarin gjatë natës dhe në momentin që ka dalë në rrugën kryesore të fshatit e kanë qëlluar.
Lexo edhe:
Vrasja në Shkodër/ Si u qëllua për vdekje 33-vjeçari në makinën e tij (DETAJE-EMRI)
