La Liga së bashku me Federatën e Futbollit të Spanjës kanë marr vendimin përfundimtar për situatën e Dani Olmos dhe Pau Victor. Zyratrisht Barcelona nuk mund të regjistrojë këta dy futbollistë dhe ata do të jenë agjent të lirë.
Klubi katalanas nuk do të mund të llogarisë në ta për pjesën e mbetur të sezonit. Dy lojtarët, të cilët tashmë ishin çregjistruar nga shoqata e punëdhënësve për mosrespektim të rregullave finaciare, nuk do të veshin fanellën e Barcelonës së paku për këtë vit.
Tashmë Barcelona dhe presidenti Joan Laporta shpresën e fundit e kanë në gjykatë, ku do ta apelojnë këtë vendim.
Situata e lojtarëve:
Si erdhën Olmo dhe Victor te Barcelona?
Olmo iu bashkua katalanasve përpara sezonit 2024-25 për një shumë prej 60 milionë eurosh nga skuadra e Bundesligës, RB Leipzig.
Nga ana tjetër, Victor u nënshkrua nga Barcelona nga ekipi i saj i të rinjve.
Si u lejua të luanin Olmo dhe Victor?
Menjëherë pasi dyshja spanjolle mbërriti në Katalonjë, të dy lojtarët duhej të prisnin për debutimin e tyre. Kjo ndodhi sepse Barcelona dështoi t’i përmbahej rregullave të La Liga-s për kufirin e pagave, gjë që i ndaloi ata të regjistronin lojtarë të rinj.
Megjithatë, kishte një rregull që i dha palëve lehtësim të përkohshëm. Sipas rregulloreve të ligës së lartë spanjolle, nëse një lojtar është i dëmtuar për të paktën katër muaj, atëherë klubi mund të përdorë 80 për qind të pagës së tij për të regjistruar një lojtar të ri.
Në atë kohë, kishte disa lojtarë që ishin jashtë fushës për muaj të tërë, duke përfshirë Ronald Araujo (i cili pësoi një dëmtim në kërthizë gjatë Copa America dhe iu nënshtrua një operacioni) dhe Andreas Christensen. Pagat e këtyre lojtarëve u liruan dhe në vend të Christensen u regjistrua Olmo për gjysmën e parë të sezonit.
Rrugë të tjera përmes të cilave regjistrimi i Olmos mund të ishte bërë më i lehtë ishin kthimi i Ilkay Gundogan në Manchester City dhe huazimi i Clement Lenglet në Atletico Madrid. Kjo sigurisht që do ta kishte bërë më të lehtë faturën e pagave të Barcelonës.
Ndërsa Olmo ka pasur 11 paraqitje dhe ka shënuar pesë gola në ligë këtë sezon, Victor ka grumbulluar 13 paraqitje, duke shënuar dy herë dhe duke dhënë një asistim.
Çfarë ndodhi më pas?
Licencat e përkohshme ishin të vlefshme deri më 31 dhjetor 2024. Që nga 4 janari, Barcelona nuk ka arritur të regjistrojë Olmo dhe Victor si lojtarë të saj.
Klubi bëri apel për regjistrimin e përkohshëm të tij, por ai u refuzua nga një gjykatë, një vendim i cili u mirëprit nga La Liga. “LaLiga ka mësuar sot për vendimin… duke refuzuar kërkesën për regjistrimin e përkohshëm të Dani Olmos deri më 30 qershor 2025, me arsyetimin se asnjë nga kushtet e nevojshme për miratimin e një mase të përkohshme nuk është përmbushur”, tha liga. thuhet në një deklaratë të 27 dhjetorit.
“Vendimi thekson gjithashtu se: “Qëllimi i lejimit të shpenzimeve shtesë është që një dëmtim afatgjatë të mos dobësojë konkurrencën e ekipit, të mos përdoret një dëmtim afatgjatë për të lejuar regjistrimin e lojtarëve, pagat e të cilëve e kalojnë kufirin. është ajo që FC Barcelona po përpiqet”, shtoi liga.
Një ditë para afatit (31 dhjetor), një tjetër ankesë e klubit u refuzua. Menjëherë pas kësaj, Barcelona kërkoi nga FA spanjolle licencat e reja të lojtarëve. Edhe liga lëshoi një deklaratë. “La Liga informon se, që nga sot, 31 dhjetor, FC Barcelona nuk ka paraqitur një alternativë që, në përputhje me rregulloret e kontrollit ekonomik të La Ligës, do ta lejonte atë të regjistronte çdo lojtar duke filluar nga 2 janari i ardhshëm”.
Një vështrim në faqen e internetit të ligës zbulon se profilet e lojtarëve të Dani Olmo dhe Pau Victor janë hequr.
