Flamurtari nuk ndalet në merkato. Pas Bruno Telushit, vlonjatët kanë prezantuar një tjetër afrim.
Bëhet fjalë për Stivian Janku. Mbrojtësi është i njohur në Shqipëri, pasi ka luajtur për ekipe si Partizani, Egnatia, Dinamo dhe Bylis.
Madje falë paraqitjeve të shkëlqyera te ballshiotët në vitin 2022, Janku u ftua për dy ndeshje edhe nga Kombëtarja e Shqipërisë.
Në pjesën e parë të sezonit, 27-vjeçari ishte pjesë e Feronikelit në Kosovë, ku nuk arriti të lërë shenjë, për shkak të momentit të vështirë që po kalon klubi.
