Turistja austriake, e cila u sinjalizua se kishte humbur në Karaburun, është gjetur nga forcat e policisë pas disa orësh kërkime.
Policia thotë se pas marrjes së njoftimit ka nisur kërkimet, duke u krijuar një grup pune për të nisur kërkimet.
Turistja u gjet në zonën e quajtur “Gjiri i Nezhës” dhe u teanpsortua drejt Himarës.
“Pas disa orësh kërkimesh, u bë i mundur lokalizimi i turistes austriake, në zonën e quajtur “Gjiri i Nezhës”, të cilës iu dha ndihma e nevojshme dhe u transportua drejt Himarës me mjetin lundrues të Policisë Kufitare, në gjendje të mirë shëndetësore.”, thotë policia.
