Policia ka arrestuar drejtuesin e fugonit, i cili shkaktoi aksidentin me vdekje, të regjistruar mëngjesin e djeshëm rreth orës 07:00 në Ishull-Lezhë, në aksin Lezhë-Laç, pranë mbikalimit.
Në pranga është vënë shtetasi Mark Macaj, i cili duke drejtuar automjetin tip fugon “Benz”, u përplas me një motor. Drejtuesi i motorit, Pavlin Ndoji, 56 vjeç mori plagë të rënda dhe më pas ndërroi jetë në spitalin e Lezhës.
Ndaj Mark Macajt është ngritur akuza për veprën penale “Shkelja e Rregullave” të qarkullimit rrugor, pasi nga veprimet e para hetimore dyshohet se fugoni eshte futur në parakalim, duke sjell dhe përplasjen e fortë me motorin.
