Kryepeshkopi i Shqipërisë 95-vjeçari Anastas Janullatos pritet të dërgohet në Athinë me një avion të Forcave Ajrore Greke.
Sipas informacioneve, ai pritet të shtrohet në spitalin “Evangelismos” në kryeqytetin grek për mjekim më të specializuar, pasi gjendja e tij shëndetësore është përkeqësuar.
Kryepeshkopi u shtrua në një spital privat më 30 Dhjetor për shkak të infeksionit sezonal dhe mësohet se në orët e fundit ka kaluar hemorragji gastrike.
Kujtojmë se në të njëjtin spital në Athinë Janullatos u shtrua edhe kur u infektua me koronavirus.
