Një efektiv policie është arrestua nga Agjencia e Mbikëqyrjes Policore, pasi ka shkaktuar një aksident duke drejtuar mjetin e tij në gjendje të dehur.
Në pranga është vënë inspektori H. B., 57 vjeç, me detyrë trupë shërbimi në komisariatin e Policisë Cërrik. Mbi të rëndojnë akuzat për veprat penale “Shkelja e rregullave të qarkullimit rrugor” dhe “Drejtimi i automjeteve në mënyrë të parregullt”.
“Arrestimi i këtij punonjësi policie u krye pasi më datë 28 Dhjetor, rreth orës 18:50, ndërsa drejtonte automjetin “Volkswagen” në rrugën nacionale Cërrik-Gramsh, pranë fshatit Shtëpanjë, ai është përfshirë në aksident rrugor me automjetin “Nissan”, ku si pasojë ka pësuar lëndime/dëmtime drejtuesja e këtij mjeti, shtetasja M. XH.
Gjithashtu, nga alkool testi i kryer ndaj shtetasit H. B., përqëndrimi i alkoolit ka rezultuar 1.07 mg/L.” – thuhet në njoftimin e AMP-së.
