Sérgio Conceição është zyrtarisht trajneri i ri Milanit. Klubi italian ka bërë gjithçka zyrtare me anë të një komunikimi në rrjetet zyrtare me 50 vjeçarin i cili ka nënshruar një kontratë 2 vjeçare me kuqezinjtë.
Sérgio Conceição zëvendëson një tjetër trajner portugez, Paulo Fonseca, i cili u shkarkua ditën e djeshme pas barazimit në shtëpi me Romën.
Sérgio Conceição do të ketë kështu përvojën e tij të parë si trajner në futbollin italian, ku ka kaluar disa vite të karrierës si lojtar, mes Parmës, Lazios dhe Interit.
Për ironi të fatit, debutimi i tij do të jetë përballë, Juventusit, skuadër e djalit të tij, Francisco, në ndeshjen e gjysmëfinaleve të Superkupës, e cila është planifikuar për më 3 janar në Arabinë Saudite.
Në këtë fazë të re të karrierës, Sérgio Conceição do të shoqërohet nga Siranama Dembélé, Diamantino Figueiredo, Vedran Runje, Eduardo Oliveira, Fábio Moura dhe João Costa.
