Vllaznia do ketë disa largime në janar. Një prej emrave më të lakuar për të shkëputur marrëdhënien me klubin kuqeblu është Marko Juriç.
Mbrojtësi kroat duket se nuk ka bindur me performancën e tij në pjesën e parë të sezonit, ku edhe dëmtimet kanë qenë të shumta për shtatlartin.
Kështu, ai nuk shihet si një garanci për vijimësinë e sezonit në radhët e kuqebluve. Lojtari 29-vjeçar është pjesë e shkodranëve prej 2.5 vitesh dhe aventura e tij tashmë duket afër fundit.
Serjan Repaj, mbrojtësin shkodran që në sezonet e fundit është aktivizuar tek Apolonia, do të zëvendësojë ish futbollistin e Shiroki Brijeg.
