Ndërsa Hvang shënoi golin e tij të parë të sezonit duke vulosur fitoren e Wolves ndaj United, tifozët miq u përballën me një tjetër kthim në shtëpi pa asgjë për t’u gëzuar, diçka që është bërë e zakonshme këto kohë për ta.
Pronarët e Junajtid u përballën me zemërimin e tyre njëherë, kur i ofruan një kontratë të re Ten Hagut, pastaj e shkarkuan pas disa javësh të sezonit të ri, duke zgjedhur Amorimin.
Kur holandezi u shkarkua, Junajtid renditej i 14-ti, me vetëm 11 pikë pas 9 ndeshjesh. Katër pikët e trajnerit provizor, Rud van Nistelroi, i ngjitën një shkallë, por me një muaj me Amorimin në stol, ata u rikthyen atje ku ishin edhe me holandezin.
Me 13 pikë në 10 ndeshjet e tij të para, krahasuar me 14 pikët që fitoi Ten Hag në 10 ndeshjet e tij të fundit. Amorim ka humbur tre ndeshjet e tij të fundit, kundër Totenhemit, Bornmëthit dhe Uolvesit.
“Djajtë” shënuan 18 gola ndaj 17 që kanë shënuar nën drejtimin e Amorimit në të njëjtin numër ndeshjesh. Golat e pësuar flasin gjithashtu në favor të ish-trajnerit, i cili pësoi 11 ndaj 19 gola të Amorimit.
