Gjatë spektaklit të mbrëmjes së djeshme të “BBVA 4”, Rozana Radi u njoh me një klip, ku shfaqej Jozi, i cili gjatë një bashkëbisedimi me Aldon, e ofendonte këngëtaren me fjalë shumë të rënda.
Jozi e etiketonte Rozanën si “bundër”, “kokrra e dallaveres” apo që është ulur në “lloj lloj karrigeje”.
“Kur nis të flas, ose s’flas fare ose kur të flas, e prek në pikën më të dobët, në pikën më të keqe. E njoh familjarisht prej 25 vitesh kur ka qenë andej. Përulu para meje se nëse të them unë diçka ty, ti lut Zotin që të dalësh pa u bërë 24 orë. Nuk mundet të më tregojë mua live-t, kjo nuk është këngëtare live, kjo është stonaturë… kjo është ulur në lloj lloj karrige, e ka fituar festivale. Rrjedh nga një familje ok, por është nul. Është kokrra e dallaveres. Është nga ato bundrat që ka bërë hundët, buzët, mollëzat, vetullat e të gjitha“, u shpreh Jozi.
Pas përfundimit të klipit, Rozana Radi ka shpërthyer në lot dhe ka kërkuar menjëherë që të ndërpresë garën e “Big Brother Vip” dhe të largohet nga shtëpia.
“Më vjen turp që e ndaj shtëpinë me këtë lloj niveli. Dua ta pyes Jozin ku më njeh, si më njeh, çfarë di për mua, a mendon ky që kam një njeri jashtë që më pret. A i vjen turp, a la nënë, a ka motër? Është i vetmi djalë i shtëpisë me të cilin nuk kam shkëmbyer asnjë fjalë të vetme. E kam dashur që në momentin e parë që ka hyrë në shtëpi. Vetëm i kam qeshur dha ja si ta shpërblen. Mua që në ditën që më ka vdekur im atë, nuk kam lejuar asnjë mashkull që të më shkelë me këmbë, kam punuar vetë. Kam mbetur pa bukë, pa cigare dhe nuk ia kam shtrirë dorën askujt. Nuk e përballoj dot sepse kam punuar fort për të qenë kjo që jam dhe nuk e duroj dot këtë peshë mbi trup. Kam aty jashtë një njeri që është 12 vite me mua, që nuk e dëgjova, por erdha për të bërë një lojë. Dua të kërkoj publikisht të lë shtëpinë e Big Brother“, u shpreh Rozana mes lotësh.
Por, pas bisedës me moderatorin Ledion Liço dhe dy opinionistëve Arbër Hajdari e Neda Balluku, Rozana vendosi të vazhdojë garën. Ajo falenderoi partnerin e saj, që sikurse tha, prej 12 vitesh e ka lënë të lirë dhe e ka mbështetur në çdo hap si dhe familjen.
Pas përfundimit të “prime-t”, Rozana Radi pati dhe një bisedë të gjatë me Jozin të cilin vendosi që të falte.
Por, jo vetëm kaq! Ajo gjatë biseedave me banorët e tjerë deklaroi se tashmë e kishte bërë si “nip” Jozin, madje në një moment kur ky i fundit ishte i mërzitur, Rozana iu drejtua dhe me fjalët “të kam vëlla”.
Kjo gjë solli përplasje me banorët e tjerë, të cilët i dolën në krah Rozanës dhe më pas nuk e pëlqyen qëndrimin që ajo mbajti pas spektaklit. Një prej tyre ishte dhe Gerta.
