Gjykata e Posaçme ka liruar nga burgu trafikantin e emigrantëve, Arben Rushiti, duke i ndryshuar masën e sigurisë nga “arrest në burg” në “arrest në shtëpi”.
Lehtësimi i masës së sigurisë për Rushitin ka ardhur për shkak të kalimit të kohëzgjatjes maksimale të afateve të “arrestit me burg”.
Ai u arrestua në kuadër të operacionit “Nomada”, si pjesë e një grupi kriminal që përmes dokumenteve të falsifikuara, përfshi edhe vizat, siguronte kalimin e personave të ndryshëm drejt Britanisë së Madhe dhe Kanadasë.
Hetimet u zhvilluan në bashkëpunim me autoritetet ligjzbatuese spanjolle dhe ato të Kosovës, ndërsa nën hetim ishin 31 persona, si organizatorë apo pjesëtarë të grupit kriminal.
