Drejtuesi politik i Partisë Demokratike për Tiranë, Belind Këlliçi është paraqitur në ambientet e SPAK ditën e sotme.
Mësohet se Këlliçi është paraqitur për t’u pyetur lidhur me kallëzimet që ai ka depozituar pranë Prokurorisë së Posaçme.
Anëtari i Kryesisë së PD ka depozituar disa padi në SPAK për abuzime sipas tij në Bashkinë e Tiranës. Këlliçi ishte ndër denoncuesit e parë edhe sa i takon aferës “5D” duke çuar më pas në arrestimin e ish-zyrtarëve të Bashkisë.
Ndërkohë, Erion Veliaj, kryetari i Bashkisë së Tiranës, prej më shumë se 5 orësh është duke qëndruar në ambientet e Prokurorisë së Posaçme. Veliaj do të japë deklarime në lidhje me hetimin e regjistruar nga SPAK për veprën penale të “korrupsionit pasiv të funksionarëve të lartë shtetërore dhe të zgjedhurve vendorë”.
