Ish-kryeministri i Indisë, Manmohan Singh, i konsideruar gjerësisht si arkitekti i programit të reformës ekonomike të Indisë dhe një marrëveshje historike bërthamore me Shtetet e Bashkuara, ka vdekur nw moshën 92 vjeçare.
Singh u pranua në Institutin e Shkencave Mjekësore të Gjithë Indisë në Nju Delhi pasi shëndeti i tij u përkeqësua për shkak të një humbjeje të papritur të vetëdijes në shtëpi, tha spitali në një deklaratë
“Ndihma e shpejtë ka filluar menjëherë në shtëpi. Ai u dërgua në Urgjencën Mjekësore në orën 20:06, tha spitali, por me gjithë përpjekjet, ai nuk mundi të ringjallej dhe u deklarua i vdekur në orën 21:51.
Sipas AP, Singh po trajtohej për probleme mjekësore të lidhura me moshën e tij.
Një teknokrat me sjellje të butë, Singh u bë një nga kryeministrat më jetëgjatë të Indisë për 10 vjet dhe fitoi një reputacion si një njeri me integritet të madh personal. Ai u zgjodh kryeministër në vitin 2004 nga Sonia Gandhi, e veja e kryeministrit të vrarë Rajiv Gandhi.
Por imazhi i tij i pastër u ndot nga akuzat për korrupsion kundër ministrave të tij. Singh u zgjodh për një mandat të dytë si kryeministër nga 2009-2014, i cili u mbulua nga skandalet financiare dhe akuzat për korrupsion mbi organizimin e Lojërave të Komonuelthit 2010.
Kjo çoi në humbjen dërrmuese të Partisë së Kongresit në zgjedhjet kombëtare të vitit 2014 nga Partia nacionaliste hindu Bharatiya Janata nën udhëheqjen e Narendra Modi.
Singh mbajti një profil të ulët pasi hoqi dorë nga posti i kryeministrit. Kryeministri Modi, i cili pasoi Singh në 2014, e quajti atë një nga udhëheqësit më të dalluar të Indisë, i cili u ngrit nga origjina modeste dhe la një gjurmë të fortë në politikën ekonomike ndër vite.
“Si kryeministër ynë, ai bëri përpjekje të gjera për të përmirësuar jetën e njerëzve”, tha Modi në një postim në platformën sociale X. Ai i quajti ndërhyrjet e Singh-ut në Parlament si ligjvënës “i mprehtë” dhe tha se “mençuria dhe përulësia e tij ishin gjithmonë të dukshme”.
