Egnatia arrin të fitojë për herë të parë në histori, Superkupën e Shqipërisë, teksa mbrëmjen e sotme mposhti Kukësin, me rezultatin 2-0 në finalen e zhvilluar në stadiumin “Arena Kombëtare” në kryeqytet.
Tripletë trofesh nga skuadra e Edlir Tetovës, që pas titullit dhe Kupës, tashmë merr edhe Superkupën. Siç edhe pritej ndeshja nisi me rrogozhinasit më kërkues dhe dominues.
Lushkja kishte mundësinë e artë për të zhbllokuar sfidën në minutën e 6-të, por gjuajtja e tij shkoi jashtë. Zejnullai provoi nga goditja e dënimit, gjuajtja e të cilit u ndal nga muri mbrojtës në minutën e 14-të.
Mundi i Egnatias u shpërblye në minuytën e 19-të. Serxho Ujka përfitoi nga një top i mbetur në zonë dhe me një gjuajtje të fortë e ndali në fundin e rrjetës.
Ky gol i dha qetësinë skuadrës së Tetovës, që e administroi shumë mirë avantazhin deri në fundin e pjesës së parë.
Goditjen përfundimtare Kukësit ia dha Bakayoko në minutën e 85-të, kur dyfishoi shifrat për Egnatian me sfidën e cila u mbyll 2-0.
