Bruno Telushi nuk do të jetë më pjesë e Elbasanit. Për shkak të dëmtimeve të shumta, mbrojtësi i verdhebluve dhe klubi kanë vendosur të mbyllin bashkëpunimin mes tyre.
Tashmë ka ardhur edhe njoftimi zyrtar nga klubi i Superiores. Elbasani i uron suksese në të ardhmen, teksa e falenderon futbollistin për kontributin e dhënë me fanellën verdheblu.
Kujtojmë se Telushi u afrua në Elbasan përgjatë verës së vitit 2023. Asokohe kishte mbyllur bashkëpunimin me Partizanin.
Verdheblutë patën një sezon të suksesshëm duke siguruar ngjitjen në Superiore. Në anën tjetër ky edicion nuk shkoi si duhet.
Njoftimi i Elbasanit:
Faleminderit “Kali”!
AF Elbasani njofton mbylljen e bashkëpunimit me futbollistin Bruno Telushi. Marrëveshja është zgjidhur nga të dyja palët kështu duke mbyllur një kapitull të suksesshëm midis ekipit verdheblu dhe Telushit.
Familja verdheblu e falenderon për kontributin e dhënë dhe i uron suksese në të ardhmen.
