Një aksident i rëndë ka ndodhur mbrëmjen e sotme në aksin rrugor Levan-Tepelenë, ku dy mjete janë përplasur me njëra-tjetrën.
Nga aksidenti kanë mbetur të lënduar drejtuesit e dy mjeteve dhe dy pasagjërë, të cilët janë transportuar drejt spitalit dhe po marrin ndihmë mjekësore. Ata janë jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.
“Rreth orës 19:00, në aksin rrugor Levan-Tepelenë, në fshatin Kashishtë, automjeti me drejtues shtetasin F. B., 35 vjeç, banues në Tepelenë është përplasur me automjetin tip “Benz”, me drejtues shtetasin P. H., 24 vjeç, banues në Fier.
Si pasojë e aksidentit janë dëmtuar dy drejtuesit e automjeteve dhe dy pasagjerët e mjetit tip “Benz”, shtetasi Xh. Ç., 23 vjeç dhe shtetasi V. K., 18 vjeç, banues në Fier, të cilët janë transportuar në spital për ndihmë mjeksore, jashtë rrezikut për jetën. Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit“, thuhet në njoftimin e policisë.
