Një aksident i rëndë ka ndodhur mbrëmjen e sotme rreth orës 18:50 në aksin rrugor Vorë-Rinas/
Policia bën me dije se nga përplasja e dy mjeteve, një 45-vjeçar ka mbetur i plagosur.
Edhe pse ai u transportua në spital, 45-vjeçari nuk mundi t’i mbijetojë plagëve të marra dhe ka ndërruar jetë.
“Më datë 23.12.2024, rreth orës 18:50, në aksin rrugor Vorë-Rinas, mjeti tip “Fiat” me drejtues shtetasin Q.H., 45 vjeç, është përplasur me mjetin tip “Audi” me drejtues shtetasin E.A.
Si pasojë e aksidentit, drejtuesi i mjetit “Fiat”, shtetasi Q.H., pasi u transportua në spital për ndihmë mjekësore, ka ndërruar jetë.
Grupi hetimor dhe shërbimet e Policisë ndodhen në vendngjarje dhe po punojnë për sqarimin e rrethanave të aksidentit”, thuhet në njoftimin e policisë.
