Pas Eduardo Bove, në Serie A është regjistruar një tjetër rast që ka sjellë panik të madh. Gjatë ndeshjes Torino-Bologna, mbrojtësi i vendasve Sebastian Walukiewicz, u rrëzua në fushë.
Lojtari shfaqi probleme dhe ra në tokë pa asnjë kontakt, ndërsa stafet mjekësore ndërhynë menjëherë. Mbrojtësi polak u transportua me urgjencë në spital, për të marrë ndihmën e specializuar.
Për fat të mirë, lojtari është i vetëdijshëm dhe po merr mjekimin e nevojshëm. Sipas sqarimit nga “Sportmediaset”, 24-vjeçari Walukiewicz ka pasur probleme me rrugët e frymëmarrjes.
