Deputeti i PD-së Ferdinand Xhaferrajn, ka krtikuar publikisht kreun e PD-së Sali Berisha, pasi sipas tij, vendimet e marra nga kryedemokrati, ngjallin pezimizëm.
I ftuar në A2CNN, Xhaferraj theksoi se vendimmarrja e Berishës për të emëruar drejtuesit e qarqeve është trishtuese dhe nuk të çon drejt fitores.
“Me Berishën nuk bëhet, pa Berishën nuk bëhet. Me zgjedhje u faktua që ai ishte faktori më I rëndësishëm opozitar. Një alternativë pa mbështetjen e tij nuk mund të bëhet. Në kushtet aktual ku qeverisja po qeveris shumë keq, e para ndryshimi është i domosdoshëm dhe do ishte gabim për mua të mbështes tezën që Berisha të largohet.
Veprimet e ndërmarra ndjellin pesimizëm. Vendimmarrja e Berishës për të emëruar drejtuesit e qarqeve është trishtuese dhe nuk të çon drejt fitores. Besnikëria është vetëm një kriter, por duhet të plotësohen dhe shumë të tjera. Maksimalizimi i rezultatit të zgjedhjeve është gjëja më e mirë që i shërben dhe agjendës së Berishës”, tha Xhaferaj.
