Dinamo dhe Egnatia përballen sot në një ndeshje direkte mes dy rivalësh që mendohet se do të shkojnë deri në fund të këtij edicione si pretendente kryesore për titullin kampion.
Sfida e sotme (starton në orën 16:30) mes dy ekipeve merr një rëndësi të veçantë pasi rezultati mund të ndryshojë kreun e kampionatit në pauzën e fundvitit. Dinamo ka 31 pikë, 2 më pak se Partizani që mban aktualisht atë pozicion, ndërsa Egnatia është në kuotën e 30 pikëve.
FORMACIONET ZYRTARE:
DINAMO: Sali, Dita, Aliji, Lorran, Meksi, Toli, Karamba, Qefalija, Vila, Nani, Mandela.
EGNATIA: Dobjani, Alijev, Xhemajli, Veseli, Fangaj, Ndreca, Aleksi, Ujka, Zejnullai, Lushkja, Bakajoko.
