Një ngjarje tragjike ka ndodhur në një banesë në Shtërpcë, ku një grua u gjet e vdekur dhe sipas informacioneve të para dyshohet se i dha fund jetës.
Viktima dyshohet se bëri vetëvrasje me armë zjarri pas një feste familjare, për motive dhe në rrethana akoma të paqarta.
Bëhet fjalë për një grua 34-vjeçare, e cila bazuar në dëshminë e familjes ka qenë në pritje të ëmbël, në muajin e katërt të shtatzënisë.
Vdekjen e saj e ka konstatuar ekipi mjekësor në vendin e ngjarjes dhe trupi është tërhequr për t’u dërguar në IML për obduksion.
Me urdhër të Prokurorit të Shtetit, ka nisur edhe hetimi për zbardhjen e këtij rasti.
