Partizani ka arritur të fitojë me rezultatin e pastër 2-0 në kryeqytet përballë Vllaznisë, në një ndeshje që mund të konsiderohej si dueli i pretendentëve.
Të kuqtë arritën të shënonin nga një gol për çdo fraksion loje, teksa protagonistë të sfidës mund të konsiderohen dyshja Cara-Rrapaj.
Goli i avantazhit u shënua që në minutën e ‘2 të takimit, ku Arinaldo Rrapaj vertikalizoi për Tedi Carën, duke e nxjerrë të vetëm përballë portierit, i cili nuk gaboi dhe e çoi topin në rrjetë.
Ashtu siç nisin, spektakli vijoi edhe për minutat në vazhdim, por pavarësisht rasteve nga të dyja ekipet, goli i dytë u realizua në minutën e ’63, ku ishte Rrapaj, i cili pas asistit, shënoi emrin edhe tek lista e golashënuesve për këtë ndeshje.
Mesfushori përfitoi nga një top i humbur nga shkodranët, pranë zonës së tyre dhe pas disa driblimesh, gjuajti ngjitur me shtyllën, duke e lënë të shtangur në vend portierin e Vllaznisë.
Edhe për minutata në vijim nuk munguan rastet, por rezultatio ngeli i pandryshuar deri në fund.
Pas kësaj fitoreje, Partizani ngjitet përkohësisht në vendin e parë me 33 pikë, në pritje të ndeshjes së Dinamos, teksa Vllaznia ngelet në kuotën e 31 pikëve në vendin e tretë.
