Altin Maksuti dhe i afërmi i tij Vladimin Benga dyshohet se kanë ndërruar jetë orët e para të mëngjesit të 19 dhjetorit si pasojë e asfiksisë.
Nga verifikimet e para, ngrohsja e cila funksiononte me bombol gazi ka qëndruar e ndezuar për më shumë se 12 orë, ç’ka dyshohet se rrjedhja e gazit është bërë shkak edhe e vdekjes së Maksutit e Bengës.
Familjarët e Altin Maksutit të cilët jetonin në Greqi pritet të vijnë dhe do të paraqiten pranë oficerëve të policisë gjyqësore për të dhënë deklaratën e tyre në lidhje me ngjarjen.
Alarmi në lidhje me 2 viktimat është ngritur pasditen e 19 dhjetorit kur familjarët telefonuan policisë pasi nuk mundën të lidheshin në telefonat me ta. Pas mbërritjes në rrugën Marie Kraja, në katin e tretë të banesës, efektivët janë detyruar të shpërthejnë derën për tu futur në banesë aty ku kanë gjetur dhe dy trupat e pajetë të Altin Maksutit dhe Vladimit Bengas.
Fqinjët kanë deklaruar në polici se nuk kanë vënë re mungesën e lëvizjes së Maksutit pasi ky i fundit jetonte prej vitesh në Greqi dhe komshinjëve u ishte shprehur se pasi të rikonstruktonte shtëpinë priste dhe familjarët për të festuar së bashku festat e fundvitit.
