Një trup i pajetë është gjetur pasditen e kësaj të enjte në tokat bujqësore pranë spitalit “Memorial” në Fier.
Burimet bëjnë me dije se trupi i është i seksit mashkull, rreth 55 vjeç.
Kanë qenë banorët e rastit që kanë tokat në atë zonë që kanë pikasur viktimën, të cilët kanë njoftuar menjëherë policinë. Pasi kanë mbërritur në vendin e ngjarjes, ekspertët kanë kryer ekzaminimet e para dhe kanë konstatuar se vdekja dyshohet se ka qenë natyrale dhe në trupin e viktimës nuk ka pasur shenja dhune.
Policia po punon për zbardhjen e shkaqeve të vdekjes së viktimës , dhe identifikimin e tij , ndërsa trupi i pajetë ndodhet në morgun e Spitalit të Fierit.
